Lâmp aan, niks aan,
wi-j laat ésj, gaw d’r uut.
Schoon aan, vandaag d’raan,
’t kraaktj boete det ut vruusj.
Smînk op, koffie op,
E bruuëdje vör ongerweeëg.
Klak op, fietske op,
de zon in mien gezicht.
Kaoj hang, echt schang.
Al smêrges aan ’t beer.
Neet bang, echt verlangdj,
nao dieëze schoeëne sfeer.
Drums en blaosmeziek,
Hendjes inne locht.
Sjoenkele, echt kejsjiek,
Laotj mich noeëts mieër los.
Toch mer efkes plasse,
binne és ’t wêrm.
Bonne inne tes,
Vreendje aan d’n êrm.
Hoonger, det ’t börsj,
‘ne dikke friet.
Buurman woeëj mich kusse,
heb noow geînen tieêd.
Effe dânse, bekans nacht.
Beppie tréktj ’t laaaank.
Normaal dans ich neet,
noow klap ich inne hang.
Pruûk scheîf, dju di-j juuëktj,
zweît stieët oppe rök.
Zoeë heivers, good gelöktj.
Mêrge kom ich trök.
Schoon uut, lâmp uut,
lekker towgedéktj,
Smînk vergaete aaf te doon,
det ’t toch verréktj.
Vastelaovendj, boel de boel,
laotj mich mer drej daag.
Niks kan tuppe aan dit geveul,
de hort op met di-j daag.
Doon mich noow de ouge tow,
’t bonsj mich inne kop.
Maaktj mich hieeël niks uut,
mêrge fris weer op.
In gedachte dâns ich nog,
Want Beppie trok ’t laaaank.
Mêrge nog ‘s, noow al zin in,
Ich kniêp mich inne hang.