Ich gaon nêrges mieër haer

Boeëve mien glaas beer
Zoog ich de duuër oeëpe gaon
Ich dacht: woeë gieet det meagtje haer?
Zoog ze mich heej noow mer staon

Ze woor zoeë schooën verklédj
Neemes wist weem ze woor
Mer mich haodje neet vör de gek
Metein haaj ich ’t door

Want ich ging van kroeg nao kroeg
Oeëverâl e glaeske beer
Mer ich wis gaw genog
Ich gaon nêrges mieër haer

Ich stong naeven eur
Luuëndje ruig oppe bar
Ze kieëk mich vluchtig aan
Ich waas drek inne war

Dootj eur masker mer aaf
Beej mich és ’t good

Ich woeëj det ich det dörfdje te zégke
Mer ich haaj neet de mood

Want ich ging van kroeg nao kroeg
Oeëverâl e glaeske beer
Mer ich wis gaw genog
Ich gaon nêrges mieër haer

Ze knipougdje nog ‘ne kieër
Vuuërdet ze oet mien zicht verdween
Ich haaj ’t neet mieër
Ich heb eur noeëts mieër gezeen

Dus ich ging van kroeg nao kroeg
Oeëverâl e glaeske beer
Mer ich wis gaw genog
Vînge doon ich eur neet mieër

Doot j eur masker mer aaf
Beej mich és ’t good
Haaj ich det mer dörve te zegke
Mer ich haaj neet de mood

Boeëve de kratte beer
Zeen ich de duuër oeëpe gaon
Woeë gieët det maegtje haer?
Zoog ze mich hieej noow mer staon

Ich doon mich wat boeëdschappe inne ker
Vraog de vakkevöller woeë de nuuëtjes staon
Ich kiek good om mich haer
Of ich eur vînge kân

En opeins, beej ’t broeëd
Ze zocht nao krîntemik
Noow mis ich neet de boeët
Ich dacht det ’t toch verréktj!’

Ich doon mien masker aaf
Zégk, wi-j és ’t met uch?
Ze kiektj mich vluchtig aan
En ze kindje mich terök

Noow is ze beej mich

Ze lachtj verlaege en leef
Ich pak eur gezicht
En zek eur: “astebleef”

Dootj eur masker mer aaf
Beej mich és ’t good
En ze kuszje mich flînk
En alles waas good

Want ich ging van kroeg nao kroeg
Oeëveral e gleaske beer
Mer dit jaor blieve ze tow
En gaon ve same nêrges haer.