1 April 2011:
Mam: “met Derckx”
Ik: “Mam ich zit bieej de Ehbo, hub mien bein gebroke.”
Mam: “WAAT NOEE ALWEER, WIE KAN DET NOEE WEER!”
Ik: “1 April!”
Mam: “Bah Maart haha.”
1 April 2012
Mam: “met Derckx”
Ik: “Mam ich zit bieej de Ehbo, hub mien bein gebroke.”
Mam: “NOEE DET ALWEER WAAT HUBSE NOEE WEER GEDOAN?!”
Ik: “1 April!”
Mam: “Maart sjei oet!”
1 April 2013
Mam: “met Derckx”
Ik: “Mam ich zit bieej de Ehbo, hub mien bein gebroke.”
Mam: “Nea Maart, 1 April!”
Ik: “Dju..”
1 April 2014
Mam: “met Derckx”
Ik: “Mam ich zit bieej de Ehbo, hub mien bein gebroke.”
Mam: Klik. tuut tuut tuut tuut…
1 april 2015
Mam: “met Derckx”
Ik: “Mam Bèr zieen pueetje is gebroke, ’t hingtj ‘r half neave.”
Mam: “WIE KUMTJ DET NOEE, GANK DOA MET NOA DE DIEREARTS HIEEJ IN ELL!”
Ik: “1 April!”
Mam: “Godverdomme.” Klik. tuut tuut tuut…
1 April 2016
Mam: “met Derckx”
Ik: “Mam..”
Mam: Klik. tuut tuut tuut…
1 April 2017
Mam: “met Derckx”
Ik: “Mam ich bin van de trap gevalle..”
Mam: “WEEM IS VANNE TRAP GEVALLE? HAATSE DEA KLEINE VAST!?”
Ik: “……”
Mam: “Och dich met dien 1 april, misselik vroumes!” Klik. tuut tuut tuut…
1 April 2018
Mam: “met Derckx”
Ik: “Mam dea kleine veel mich net hieej veur inne beek…”
Mam: G*@&%#×$*!!!!! ICH HUB ‘T DICH NOG ZOEE GEZAGTJ DOOT DET HEKSKE OP SLOT!!!
Ik: “1 April!”
Mam: “G*@&%#×$*!!!! Akelig vroumes!”
Klik. tuut tuut tuut…
31 Maart 2019
Mam: “met Derckx”
Ik: “Mam, dea kleine heet zich unne Smartie inne naas geduudj en snoeeftj ’t allein mer op in plaats van droeet.”
Mam: “NOEE DET ALWEER, DAO MOSSE MET GAON WANT DEA KRIEGTJ ZOEE GEINEN AOM. NONDEDOMME NOG MAART NOEE LETJ TOCH AUCH INS OP!”
Ik: “Gaon murge waal nao de hoeesarts.”
Mam: “NIKS MURGE, NOEE!”
Ik: “Nea, murge isj 1 april…”
Mam: “Wablie… OCH DICH GEKKE TRUT!”
Klik. tuut tuut tuut…
31 Maart 2020
Mam: “met Derckx”
Ik: “Mam, bieej de Spar moogse neet mieer binne bove de vievenzestig, in verbandj met Corona.”
“NOEE DET ALWEER, DEA MAAKTJ MICH GET PARAAT DEA CORONA. Zooei det euveral zeen? Joa det zal waal.”
Ik: “Ich zooei vandaag mer flink inslaon, dat geit murge in.”
Mam: “Waat isj murge, 1 Apri… GODVERDOMME MISSELIK DINK!”
Klik. tuut tuut tuut…
1 april 2021
Mam: “Met Derckx”
Ik: “Ha”
Mam: “Wie isj met Nelis, veultj ‘r zich get bèter?”
Ik: “Joa, hea steit klaor om noa sjoeel te gaon, mer noee krieg ich eine mail vanne sjoeeldirectrice det ‘r, ondanks de negatieve test, toch ein bron- contact, én hygiene-onderzoek deentj plaats te vinje, en det we dao digitaal bewiees veur motte aanlevere, veurdet ‘r nao sjoeel kan. (leest nepmail voor met veelal dure woorden)
Mam: “Waat is det toch veur eine zanik, Nelis is toch getestj? Den nums ze det dapperheidsdiploma mer met as bewiees, belachelijk!”
Ik: “Joa mer Mam, ich kan hum toch neet met numme noa sjoeel en det ze mich den de deur wieze, ich maak gewueen get foto’s det ’t hieej zuuver is en zoee, wiltj gea det den auch doon, want hea is nog bieej uch geweasj veurige weak”
Mam: “Ich doon niks! As ut urges zuuver is, den is ’t hieej waal, den komme ze mer kieke, waat toch eine poppekast!”
Ik: “Ich bel Pap waal effe veur get foto’s te make.”
Mam: “Dich duis mer, dea zitj onger inne keuken de gezèt te leaze.”
Pap: “Met Pap”
Ik: “Ha, met mich, speul ’t effe met, ’t is 1 april. We motte get foto’s make van de hygiëne maotregele bieej uch thoees, veurdet Nelis noa sjoeel maag.” (leest nepmail voor met veelal dure woorden)
Pap: “Doon ich.” “Roos, ich maak zoee get foto’s, mer hubse auch urges dea desinfectiegel ligge? Det zet ich veur de zekerheid auch d’r op.”
Mam: (komt de trap af)“GOD%$&**$#%$#%^ waat toch eine zeiver! Ut mot neet gekker weare hieej!”(legt intussen wel mondkapje, desinfectiegel op tafel voor de foto’s)
Ik: “En missjien det ze auch de sjoeenmaakmiddele in bieeldj kan bringe?”
Mam: “Ich doon neet met met dea flauwekul, ze bedinke zich vanalles, die gekke! Maart bringtj Nelis mer gewueen noa sjoeel en as ze bombarie make of get motte, den komme ze mer hiee hear!”(pakt St. Marc schoonmaakmiddel uit de kast)
Pap: (maakt foto’s van alles)
Mam: “Nea neet met dea achtergrondj, det zuut neet oeet.”
Pap: “Mesjien mos dich det mondjkepke opzette en die fles vast haoje.”
Ik: “Pap, geaf mich Mam mer effe aan de telefoon.”
Mam: “Van weem mot dit noee verdomme, waat toch eine zanik!”
Ik: “Jeh, det zeen de noew regels vanne RIVM.”
Mam: Det ze die spuite mer ins oppe tieet klaor hubbe, in plaats van os zoee lestig te valle, maar jong!”
Ik: “Ich wist det auch neet, die noew regels gaon in per 1 april….”
Mam: “ACH ZUUSE, 1 APRIL, STOAN ICH HIEJ GET TE KIEKE MET DEA St MA…. “ Klik. Tuut tuut tuut.
1 april 2022
In huize Derckx gaat in mijn aanwezigheid de telefoon. (Door mijn toedoen)
Mam: “Pak dich mer op.”
Ik: “Met Maartje. Nee, die zijn niet thuis, kan ik een boodschap aannemen? Een brief? Geen idee, ik zal het doorgeven. Dag. Mam, hubtj gae al inne breevebus gekeke vandaag?”
Mam: “Nae, wiezoee?”
Ik: “Det waas eine hoeege pief, dae zeet det ‘r uch eine belangrieke breef heet gesteurdj.”
(Komt even later terug met de brief, die er inderdaad lag, door mijn toedoen. Leest brief.)
Geachte Heer en Mevrouw Derckx-Maessen
Onlangs hebben wij meermaals getracht u telefonisch te bereiken. Dit is ons tot onze spijt niet gelukt. Vandaar dat wij ons genoodzaakt zien over te gaan tot dit schrijven.
Ons is enkele weken geleden ter ore gekomen dat u eerder dit jaar twee loofbomen hebt gekapt, waarbij er sprake was van het ontbreken van een (geldige) kapvergunning.
Daarnaast hebben wij moeten constateren dat de bomen die op uw verzoek uit de tuin van uw achterburen zijn verwijderd, van het bedreigde soort zijn.
Uit het belang van bosbeheer en kwaliteit van leven moeten wij u, op grond van artikel 1.4 van de wet Natuurbescherming mededelen dat er per ommegaande twee volwassen bomen van hetzelfde soort herplant dienen te worden, op dezelfde plek in de tuin van uw achterburen, familie van Heugten.
Wij gaan er vanuit dat u zorg draagt voor een correcte afhandeling van bovenstaand verzoek.
Hoogachtend,
G. Verburg
Ministerie van Landbouw, Natuur en Voedselkwaliteit
Mam: “Moh, waat noee alweer. Waat gein vergunning, waat is det veur eine kwatsj! Ich gaon Pap belle. (Pakt ziedend de telefoon)
Ja, met mich. Ich krieg hieej unne breef van Ministerie van huppeldepup die zegge det det in strijd is met de wet det we die buim hubbe gekaptj. Jao det zag ich auch al, det mot verdomme neet gekker waere!”
(Legt even ziedend de telefoon weer neer)
“Dao kriege wae nog unne sores met! Pap geit dao dalik aane bel, verhaol hole.”
(Einde dag)
Mam: “Met Derckx”
Ik: “En is Pap nog aane deur gewaesj bieej de achterbure?”
Mam: “……. Hubs dich dao soms get met van doon?”
Ik: 1 April!
Mam: “Motverdomme zuuse! Oh wacht dich mer, dich kums nog aane beurt, maedje!”
Klik. Tuut tuut tuut.
30 maart 2023
Mam: “Met Derckx”
Ik: “Met mich. Kintj gae murge oppasse op Goos?”
Mam: “Nae Maart, ich gaon murge met Pap nao Mestreecht.”
Ik: “Oh des neet erg, den regel ich get anges.”
Later, nadat ik precies niks heb geregeld, op WhatsApp:
Mam: “Wie geisse det noee doon met dae kleine murge?”
Ik: “Hae kos neet biej de anger oma terecht, en auch neet biej ut Kinjerdaagverblieef, dus ich bring hum nao Piet.”
Mam: “Weem is Piet??”
Ik: “De euverbuurman.”
Mam: “Waat de euverbuurman??”
Ik: “Jao, dae met det witte hundje. Dae heet zelf gein kinjer, mer sjientj gek op ze te zeen.”
Mam: “Kintj Goos dae den??”
Ik: “Paar kieer gezeen. Dae is waal ins in ut speultuintje hiee achter. En dae heet kippe, det vindj Goos geweldjig.”
Mam: “Niks, dich brings dae neet nao eine vreemdje, bring hum mer nao mich.”
Ik: “Nae ich hub ’t hum al toegezagdj.”
Mam: “Wie aod is dae mins??”
(Ik stuur haar intussen de eerste de beste gegoogelde foto van een bejaarde man met twee gele tanden en een pokdalig gezicht die ik de naam Piet heb gegeven.)
Ik: “Inne tachtig”
Mam: “Ah, bah, is dao auch ein vrouw bieej??”
Ik: “Nae dae is noeets getrouwdj gewaesj. Daorom vindj ‘r ut auch zoee fijn om op te passe.”
Mam: “Des al hielemaol raar Maart!!! Niks, ich gaon neet nao Mestreecht, dich brings Goos nao mich!!!”
(De volgende dag heeft ze Pap ingeschakeld om de oude man op te sporen om Goos daar te gaan halen. Maar die weet het adres van Piet natuurlijk ook niet.)
Mam: “Maart, asse mich Goos vandaag neet brings hoofse mich noeëts mieër get te vraoge, asse det mer wets!”
(Op de achtergrond gaat de bel, en staat Goos, gebracht door zijn papa, met zijn rugtasje om voor de deur. Klaar voor een dagje bij opa en oma.)
Ik: “Alvast fijne 1 april!”
Mam: “Och dich, misselijke trien!!!”
(En tegen Goos: “Goeiemorge, kom maar bij oma. Jouw moeder is een gekke trut.”)
En tegen papa: “Die hoofdj mich vandaag neet te belle, ich pak neet mieer op!”
En zo geschiedde.
31 maart 2024
Ik (op WhatsApp): “Mam, Goos heet koorts en oeetslaag om de mondj.” (Stuurt foto mee van jongste zoonlief met keurig gephotoshopte, natte mondzweren.)
Mam: “Waat noee alweer, woee is det den van!?”
Ik: “Van de surprise eikes die gae hum hubtj gegaeve! Malou steurtj mich net eine link door euver ein Terugroepactie van met salmonella besmette surprise eieren van de Albert Heijn. met houdbaarheidsdatum 12-8-2024 (niet geheel toevallig net de datum op de eitjes die bij haar in de kast liggen, en stuurt keurig uitgewerkt deepfake NOS bericht mee.)
Mam: “Dat kán toch neet! Waat eine troep! Ich hub ze allemaol inne prullenbak geflikkerdj!”
(Oudste zoonlief naast mij krijgt intussen een mental breakdown van die jammerlijke mededeling)
Ik: “Ich hub net de hoeesartepost gebeldj, ich mot mich accuut meldje. Kiektj gae ins nao de datum op die eikes!”
Mam, (argwanend inmiddels) “Dich met diene datum, de datum van murge is 1 april, jao. Ich gluif d’r niks van, desmurge waas nog niks aane handj met hum!”
Ik: “……”
Mam: “Zuuse! Mich hubse neet mieer, maedje! Fijne Paose.”