Hae loog inne stool, e bitje óngeruut
Oppe gânk klonk niks as ruis
Vanne televisie, di-j stónge allemaol uit
En eemes zag: ‘Ik ga naar huis’
Gaojt mer, dacht hae, gaojt mer allemaol
Hae woortj gewoën zat
‘Laotj mich mer, laotj mich gaon’
Mer altied waas d’r waal wat
Dan weer emes op bezoek, of bingo inne zaal
Hae haaj nog noejts gewonne
Hae veulde d’r niks vör, dae trêllel
‘Laotj mich toch met röst, verdomme’
De zuster zag: ‘Doe eens mee met gym vandaag,
Of drink een kopje mee.’
Mer hae mós d’r neet aan dinke, nèèn,
‘Ich blief lekker heej’
En plots dao klonke d’r trompette,
Hae zoot meteen rechtop
Hae huuërdje ‘in Wieërt, stieët ‘n aardig menke’
En dao stóng ’t aardig menke op
Hae ging de barricade op,
Stiefeldje moormins allein door de gânk
Maakdje toen de deur oóp
Wist neet dette zoë erg haaj verlangdj
Nao boëte, nao fris, nao now
Alsof ’t noeëts ângers waas gewaesj
Toch veulde ’t dao binne, wérm en vertruwdj
Wi-j det hae eum eindelijk woor gepaerdj
Gein pille, mer e pilske
Gein gym, mer polonaise
Gen ‘tafeltje dekke’ waat hae misje
Mer ’nne friet met mayonaise
En einmaol aanne ângere kant vanne weëg
Keek hae toch nog ’nne kieer um
Niks stóng eum miër inne weëg
En hae ging ’t hukske um
De minse dromdje op
De meziek klonk overal
Slingers hônge op
’t Waas gewoën weer bal
Eindelijk weer boëte, fris en now
Alsof ’t noeëts ângers waas gewaeësj
En ’t veuldje dao binne, werm en vertrowtj
Umde hae ’t zoë haaj gemisj
De minse droomde ewég
De meziek weer verstomdj
’t Aardig menke kwoom van ver
‘Meneer, was u even weggedroomd?’
Hae loog inne stool, e bitje óngeruut
In ziene kop klonk niks as ruis
Want in zien oùge woor ’t laeve d’r uut
De zuster zag: ‘Ga maar naar huis’
En einmaol aanne ângere kant vanne weég
Keek hae toch nog ’nne keer um
Niks stóng eum miër inne weëg
En hae ging ’t hukske um